Teknologi
Parkeak beste balio erantsi bereizgarri bat ere badu: Ikerketa, Garapen eta
Berrikuntza ataletara esleituriko baliabide kopuru handia.
Teknologi Parkeak sortutako enplegu osoa kontuan hartuz, bertako langileen %55
inguru goi mailako tituludunak dira, eta ia %24 Ikerketa eta Garapenarekin
lotutako lanetan dihardute. Parkean ematen den I+G jardueretarako inbertsioaren
batezbestekoa enpresen fakturazioaren %8etik gorakoa da, Euskal Autonomia Erkidego
osoan I+G-ra bideratutakoaren %20 gutxi gorabehera.
Ezarritako enpresen berezko I+G unitateez gain, badira Parkean
nazioarte mailan ospe handikoak diren zazpi gune teknologiko, teknologi eskualdaketaren
eragile gisa dihardutenak, eta horrez gain, inguruko Unibertsitateekin lotura
estua dago.
Teknologi Parkeak berak, aipaturiko teknologi eskualdaketa
eta ikerketaren emaitzen hedapena sustatu eta bultzatzen du.
