Xedea eta ikuspegia

Bizkaiko Teknologia Parkearen xedea Bizkaiko garapen teknologikorako eta berrikuntzarako ekarpenak egitea da, modu iraunkorrean eta betiere, enpresen, agente teknologikoen eta unibertsitateen arteko ezagutza-trukearen eta teknologiaren transferentziaren mesede, enpresa berritzaileen sorrera eta hazkundea sustatuz eta kalitate handiko guneak eta instalazioak nahiz balio erantsiko zerbitzuak eskainiz.

Bizkaiko Teknologia Parkearen ikuspegia Euskadiko enpresa-berrikuntzaren eta garapen teknologikoaren erreferente eta nazioarteko eredu gisa finkatzean datza.

Horrela, Parkeak berrikuntzaren abangoardian jardun behar du eta horretarako, sareen partaide izan behar da eta teknologiaren nahiz ezagutzaren transferentzia sustatu behar ditu, teknologikoki aurreratuak diren enpresen ezarpenean eta garapenean derrigorrezko erreferente izaten jarraitze aldera; betiere etorkizuneko erreferentzia izaten jarrai dezan, enpresen abantaila lehiakorrak areagotzen lagun dezan eta gizarteari balorea eskain diezaion.